Знаменуй себя крестом и говори молитву Честному Кресту

Да воскреснет Бог, и расточатся врази Его, и да бежат от лица Его ненавидящии Его. Яко исчезает дым, да исчезнут; яко тает воск от лица огня, тако да погибнут беси от лица любящих Бога и знаменующихся крестным знамением, и в веселии глаголющих: радуйся, Пречестный и Животворящий Кресте Господень, прогоняяй бесы силою на тебе пропятаго Господа нашего Иисуса Христа, во ад сшедшаго и поправшаго силу диаволю, и даровавшаго нам тебе Крест Свой Честный на прогнание всякаго супостата. О, Пречестный и Животворящий Кресте Господень! Помогай ми со Святою Госпожею Девою Богородицею и со всеми святыми во веки. Аминь.

Расточатся — рассеются, разбегутся.
Беси — бесы, диаволы.
Знаменующийся — осеняющийся, накладывающий на себя знамение.
Глаголющий — говорящий.
Пречестный — многочтимый.
Поправшаго — победившего, одержавшего верх.
Пропятый — распятый.
Супостат — противник, враг.
Животворящий — дарующий жизнь, воскрешающий.

Или кратко

Огради мя, Господи, силою Честнаго и Животворящаго Твоего Креста, и сохрани мя от всякаго зла.

Огради — огороди, защити.